የያሬድ ዉብ ዜማ ድንግል እመቤቴ ስጦታዬ ነሽ / ፪/
በምን አንደበቴ እንዴትስ ባለ ቃል ማርያም ልበልሽ/ ፪/
ምድርና ሰማዩ ተአምሽን ይንገሩ
ፍጥረታት በሙሉ ስለ አንቺ ይመስክሩ
ተነግሮ የማያልቅ ድንቅ ነው ስራሽ
ድንግል ሆይ እናቴ አምሳያ የለሽ
ማርያም ድንግል እረዳቴ
የምትደርሺልኝ ነይ ስልሽ በጭንቀቴ
ታምርሽንም በአይኔ አይቻለሁ
ጽዮን ሆይ ስልሽ ድንግል ሆይ እጠግባለሁ
ባለውለታዬ (፪)
ካመድ ያነሳኸኝ ከትቢያ ተጥዬ
ተመስገን ጌታዬ
በሩን ቢዘጋብኝ ስምዖን ጨክኖ
ዝቅ አደርጎ ቢያየኝ ከአይሁድ ጋር ሆኖ
እንድቀርብ ወደ እርሱ አዘዘኝ ጌታዬ
እግሩን አጥበዋለሁ ወድቄ በእንባዬ (፪)
በእፀ መስቀል ላይ በዚያ አደባባይ (፪)
አምላክ ሆይ ጌታ ሆይ ተንገላታህ ወይ
አምላክ ሆይ ጌታ ሆይ መከራ አየህ ወይ
መስቀል አሲዘው ኪሪያላይሶ ወደ ጎልጎታ ኪሪያላይሶ
ሲገርፉህ ሲያዳፉህ ኪሪያላይሶ ስትንገላታ ኪሪያላይሶ
እውነት ስለሆነ ኢየሱስ ክርስቶስ
ዋለ በአደባባይ ሲሰደብ ሲከሰስ
የሐሰት ዳኝነት አምላክን ወቀሰው
ህይወት ሰጠን እንጂ ጥፋቱ ምንድን ነው
ከቃሉ እብለትን ባያኙበትም
ዝምታውን አይተው አላዘኑለትም
ነፍሴ ሆይ (፪)
እግዚአብሔርን በቅን አገልግይ (፪)
የተቀበለው በቀራንዮ ያን ሁሉ መከራ በመስቀሉ ላይ
ላንቺ ሲል ነውና ነፍሴ ሆይ
